Author: Deepak Lamichhane

दीपश्री खबर पत्रिकाबाट दक्षिणकाली नगरपालिकामा भएका विकास निर्माणका क्रियाकलापहरुको जानाकारी दिने उदेश्यले दक्षिणकालीलाई सुचना केन्द्रको आवश्वकता विषयक अन्तरक्रिया कार्यक्रम सम्पन्न गरेको थियो ।

दीपश्री क्रिएटिभ मिडियाको समन्वयमा धुलिखेल स्थित बाल मन्दिर आधारभुत विधालयमा कम्प्युटर हस्तान्तरण गरेको थियो । कम्प्युटर शिक्षालाई निरन्तरता दिईरहेको विधालयले भुकम्पले क्षति पुयाएपछि एक वर्ष सम्म कक्षा नै सञ्चालन गर्ने नसकेको जानाकारी पाएपछि सो कम्प्युटर उपलब्ध गराएको थियो ।

विभिन्न नगरपालिकाका महिला जनप्रतिनिधिलाई क्षमता विकास , नेतृत्व विकास र प्रभावकारी भाषणकला प्रशिक्षण तालिम दीपश्री क्रिएटिभ मिडियाद्धारा प्रदान गरिएको थियो । उक्त कार्यक्रम २०७४ भदौ २० गतेदेखि २६सम्म सञ्चालन गरेको थियो । तालिम पश्चात् सम्पुर्णले खुसि व्यक्त गरेका थिए ।

दक्षिणकाली नगरपालिकालाई नमुना नगरपालिकाको रुपमा स्थापित गराउँन दिपश्री क्रिएटिभ मिडियाको सँयोजनमा अन्तरक्रिया तथा साक्षात्कार कार्यक्रम गरिएको थियो ।

दीपश्री क्रिएटिभ मिडियाद्धारा सञ्चालित खुशी बाँडे खुशी बढ्छ समुह र राष्ट्रिय सामाजिक सरोकार संघको समन्वयमा २०७३ मंसिर २९ गते बुधबार चन्दागिरी नगरपालिका वडा न. १३ मा अवस्थित चुनदेवी प्राविमा अध्ययनरत ५६ जना विद्यार्थीहरुलाई ट्रयाकसुट वितरण गरिएको थियो ।  

ताकेश्वर नगरपालिका ८, मुड्खुमा अवस्थित बाल गृहको भौतिक संरचनामा महाभुकम्पले क्षति   पुयाएपछि पुर्न निमार्णमा सहयोग गर्ने उदेश्यले असोज २३ गते शनिबार एपिएफ क्लव, हलचोकमा बालगृहको सहयोगार्थ कार्यक्रम संचालन गरिएको थियो ।

तारकेश्वरमा अवस्थित बालगृहको भवन निर्माणको लागि २०७२ चैत ९ गते दिपश्री क्रिएटिभ मिडियाको सहकार्यमा जापान खान्साई क्षेत्रीय समितिका संयोजक टिकाराम कंडेलले २ लाख ५ हजार रकम सहयोग गर्नु भएको थियो । ३८ जना बालबालिका रहेको बालगृहका लागि शैक्षिक लगायत खेलकुदका समाग्री दीपश्री क्रिएटिभ मिडिया र राष्ट्रिय सामाजिक सरोकार संघले प्रदान गरेको थियो ।